西貢週末節日散策！動靜皆宜活動合集推介！

西貢係一個非常悠閒，而且有好多動靜皆宜嘅活動俾遊客選擇，相信你嚟到一定會搵到適合你嘅活動，有一個好好嘅週末時光！嚟緊有咁多節日假期，不妨參考吓，plan吓你嘅西貢之旅行程！😆 📍嘆咖啡食好西 西貢嘅咖啡店自成一角，近年開咗越來越多新興好靚嘅精品咖啡店！除咗飲到靚咖啡，食到好味食物外，仲可以打卡，而且仲有好多店舖選擇，就算一間好多人排隊，都可以去第二間! 以下挑選咗四間cafe推介! ▪️Kachimushi 西貢市場街35號地舖 ▪️Deer Coffee 西貢市場街25號地舖 ▪️Arm Coffee 西貢市場街17號地舖 ▪️WARM BREAD 西貢市場街9號地舖 📍放風箏，帶狗狗散步🪁 喺海旁兩邊有好多唔同嘅小攤檔都會買一啲風箏，大家可以去買嚟玩。喺一條好長嘅海濱長廊，好多人都會放下狗，放下風箏。藍天白雲襯托下加上黃昏景，風箏係天空飛，真係非常之靚，微微海風吹來好舒服又悠閒! 📍西貢原創香薰蠟燭 BeCandle係一間香港出名嘅香薰蠟燭品牌，第一間舖頭嘅誕生就係喺西貢，所以嚟到西貢不妨去朝聖一下支持吓本地品牌。除咗香薰蠟燭外仲有好多有香氣嘅產品，嚟到不妨去睇睇。仲可以上網book workshop 整屬於自己香薰蠟燭! 📍買新鮮船上海鮮 可以幫襯其中西貢獨有嘅船上海鮮店。小艇泊喺碼頭附近，船上邊擺滿晒新鮮捕獲嘅海鮮。有店員會喺海旁碼頭上叫賣，可以同佢問價，佢會幫手買你睇中嘅海鮮，係一個好獨特嘅體驗！ 📍海鮮酒家食海鮮全餐 嚟到西貢又點少得食海鮮！喺海旁附近開咗好多好出名嘅海鮮餐廳，有大間幾層樓高嘅酒樓，亦有近海旁嘅小店，任君選擇。記得上網睇清楚評價，同埋現場睇，揀你鍾意嘅餐廳去試。 全部海鮮都非常新鮮，跳跳紮紮非常生猛，放晒喺店舖前邊，坐低點餐後可以出嚟揀海鮮🦞非常之有風味同特色，保證食到新鮮嘅滋味！ 西貢嘅活力活動又點止咁少，下次有機會再嚟玩會再同大家分享😉！ #西貢#週末#節日#散策#活動#合集#推介#文青#咖啡#coffee#cafe#海鮮#香薰蠟燭#風箏#散步#熱門菜式#打卡#攻略#chill#週末#下次要再食